Тарихи көрсеткіш: Алтын бағасы жаңа рекорд орнатты
2025 жылдың желтоқсан айына жоспарланған жеткізілім бойынша Comex биржасындағы (Нью-Йорк тауар биржасының бөлімшесі) алтын фьючерстерінің бағасы троя унциясы (шамамен 31,1 грамм) үшін 3 980 доллардан асып, тарихи максимумды жаңартты.
ТАСС мәліметінше, қазақстандық уақыт бойынша 6 қазан күні сағат 19:36-дағы дерекке сәйкес, алтынның бағасы унциясына 3 980,2 долларды құрап, +1,74%-ға өскен. Ал 19:46-да баға өсімін жалғастырып, 3 982 долларға жеткен (+1,79%).
Сол күні Comex биржасында күміс фьючерстерінің құны да өсіп, унциясына 48,58 долларды (+0,32%) құрады.
Айта кетейік, түннің басында алтын бағасы алғаш рет 3 950 доллардан асып, тарихи шекті межеден өткен болатын.
Сіздің реакцияңыз қандай?
Ұнайды
0
Қызықсыз
0
Керемет
0
Күлкілі
0
Ашулы
0
Қайғылы
0
Апыр-ай
0
