Медеу бірнеше жылға жабылады: жаңа мүмкіндіктер мен өзгерістер

Алматыда бірегей нысан – Медеу мұз айдыны жаңарту жұмыстарына дайындық кезеңіне өтті. Құрылыс аймағы қоршалып, негізгі жұмыстар алдағы уақытта басталады.

Жоба аясында келесі жаңалықтар жоспарланған:

• Мұз айдынына жаңа тоңазытқыш жүйесі орнатылып, инженерлік коммуникациялар толық жаңартылады; кешен газбен қамтамасыз етіледі. Мұз сапасын нақты уақыт режимінде бақылауға арналған жасанды интеллект жүйесі энергия тұтынуды 25%-ға дейін азайтады.

• Көрермендерге арналған жылы орындықтар қойылады.

• Шығыс қанаттағы қонақүй төрт жұлдыз стандартына сай қайта жобаланады.

• Спортшылар мен қонақтарға арналған заманауи оңалту орталығы ашылады: сауна, массаж бөлмелері және шұғыл медициналық қызмет қарастырылған.

• Кешен аумағында 3D тұжырымдамасындағы интерактивті музей жасақталады, ол заманауи мультимедиялық және көрме жабдықтарымен жабдықталады.

• Батыс трибунада 900 шаршы метрлік терраса мен демалыс аймағы, ал кешен алдындағы жер асты автотұрағы үстінде SUN-DECK көпфункционалды алаң салынады.

• Бұрынғы машина залының маңында жылы суы бар ашық бассейн (25×15 м) салынып, трибуна мен қызмет көрсету ғимараттары болады. Бұл бассейн жыл бойы жұмыс істеп, қала тұрғындары мен туристерге таза ауада жүзу мүмкіндігін ұсынады.

• Кешеннің айналасында серуен жолдары бар экопарк құру жоспарланған.

Жұмыстар 2027 жылғы 4-тоқсанда толық аяқталуы тиіс.