Кімдер жеңілдетілген салық режимі арқылы жұмыс істей алады?

Қазақстанда өзін-өзі жұмыспен қамтығандар үшін арнайы салық режиміне рұқсат етілген қызмет түрлерінің тізімі бекітілді.

Құжатта 40 қызмет түрі қамтылған:

• мал шаруашылығын дамытуға бағытталған қызмет;
• музыкалық аспаптарды жасау;
• сылақ жұмыстары;
• ағаш ұстасы жұмыстары;
• еден төсеу және қабырға қаптау;
• сырлау және әйнек жұмыстары;
• желі маркетингі арқылы бөлшек сауда;
• такси қызметі;
• өзге де пошта және курьер қызметтері;
• дайын тамақты жеткізу;
• өз меншігіндегі немесе жалға алынған жылжымайтын мүлікті жалға беру және басқару;
• фотоқызмет;
• ауызша және жазбаша аударма қызметі;
• ветеринария қызметі;
• жеке қолдануға арналған, тұрмыстық мақсаттағы басқа бұйымдарды жалға беру және лизинг;
• тұрғын үйлерді тазалау;
• коммерциялық қызмет бойынша көмектесу;
• спорт және демалыс саласындағы білім беру;
• мәдениет саласындағы білім беру;
• өзге де білім беру қызметтері (басқа санаттарға кірмейтін);
• көркем және әдеби шығармашылық;
• компьютерлер мен перифериялық жабдықтарды жөндеу;
• байланыс құралдарын жөндеу;
• электрон тұрмыстық техниканы жөндеу;
• тұрмыстық құрал-жабдықтарды, үй және бақша жабдықтарын жөндеу;
• аяқ киім жөндеу;
• табиғи және жасанды былғарыдан жасалған галантерея өнімдерін жөндеу;
• жиһаз және интерьер бұйымдарын жөндеу;
• қолсағаттар мен басқа да сағаттарды жөндеу;
• зергерлік бұйымдарды жөндеу;
• тоқыма және трикотаж бұйымдарын ретке келтіру;
• тігін бұйымдарын, бас киімдерді және тоқыма өнімдерін ретке келтіру;
• тері бұйымдарын ретке келтіру;
• музыкалық аспаптарды жөндеу;
• кілемдерді ретке келтіру;
• велосипед жөндеу;
• жеке қолдануға арналған және тұрмыстық басқа да тауарларды жөндеу (басқа санаттарға кірмейтін);
• шаштараздар мен сұлулық салондарының қызметтері;
• үй шаруашылықтарының үй қызметкерлерін жалдауы;
• үй шаруашылықтарының өз қажеті үшін тауар өндіруі.

Құжат 2026 жылғы 1 қаңтардан бастап күшіне енеді.

Еске салайық, бұған дейін де вице-премьер - ұлттық экономика министрі Серік Жұманғарин 2026 жылдан бастап жеңілдетілген декларация бойынша қандай қызмет түрлері арнайы салық режимі шеңберінде жұмыс істей алатынын айтты.