Қазақстанда жасанды интеллект бойынша халықаралық олимпиада басталды

Қазақстанда 30–31 қазан аралығында FAIO 2025 – жасанды интеллект бойынша екінші халықаралық олимпиада өтіп жатыр, – деп хабарлайды ilmek.kz ҚР Оқу-ағарту министрлігіне сілтеме жасап.

Бұл олимпиада – жасанды интеллект саласында оқушылар арасында өткізілетін ең ірі командалық жарыстардың бірі.

Биылғы іріктеу кезеңіне 9 елден 400-ден астам команда қатысты. Олардың қатарында Қазақстан, Ресей, Болгария, Грузия, Қырғызстан, Өзбекстан, Армения, Тәжікстан және Кипр бар. Жалпы 1200-ге жуық қатысушы бақ сынап, соның ішінде 200-ден астамы финалдық кезеңге жолдама алды.

Финалдық кезең Алматы қаласында өтуде. Мұнда 7 елден келген 51 үздік команда жасанды интеллект саласындағы білім мен дағдыларын сынайды.

Айта кетейік, халықаралық олимпиада алғаш рет 2024 жылы ұйымдастырылған болатын. Сол жылы еліміздің өңірлерінен 300-ден астам команда қатысып, финалистер Бейжіңде өткен Халықаралық AI олимпиадасында (IOAI) жоғары нәтижелерге қол жеткізген еді.